أنــواع النــاس فــي مجتمعنــا:
في ناس وجودهم امان وناس وجودهم اهتمام وناس وجودهم زي الدبان
في ناس حبهم واحد و ناس وشهم واحد وناس مايعرفوا معنى للواحد
في ناس تدلك ع الطريق وناس ترفع فيك وناس زي الشاكوش شغلين دق فيك
في ناس تحب جرأتها وناس تعشق طلتها وناس تكره نفسك لو جت سيرتها.
في ناس ضحكتها رنة طبول وناس ضحكتها عشق مالوش حدود وناس ضحكتها أصفر من اللمون.
فـي ناس قلوبها صافية وناس قلوبها دافية وناس وخداها عافية.
في ناس كلامهم راحة وناس كلامهم فرحة وناس كلامهم يودي ف داهية.
في ناس عشرتهم نعمة وناس عشرتهم جنة وناس عشرتهم جهنم العليا.
في ناس رقاصة وناس طبالة وناس بين البينين عايشه ومحتاسة.
في ناس تاكل وتحمد وناس تاكل ما تشبع وناس تشبع وتاكل بحكم العادة.
في ناس قساوتهم مشروطه وناس قساوتهم مفروضه وناس ع القسوة مفطومة.
في ناس حياتهم نعيم وناس حياتهم جحيم وناس حياتهم هي السبب في الحالتين.
في ناس زي الشمس يومك يبدأ بيهم وناس زي الفل يردوا الروح فيك وناس زي البومة فقر لمعاليك
في ناس عقلهم ميزة وناس اخلاقهم زينة ونـاس بنت لذينة.
في ناس في الدين فاهمين وناس بيه ماشيين وناس واخدينوا حجة وبيه طايحيين.
ويــامــا هنعيــش ويعــدي علينــا اشكــال وألوان بس المهم احنــا ميــن مقــارنة مع اللي بنشوفوا وحش.واحنــا فين من اللي شــايفينوا حلوا.
