كــراكيــب

حيــاتنــا كلهــا كراكيــب: منها اللي له لزمة ومنها اللي مالوش بس في الحالتين موجود حلو على وحش لحد ما عمل كراكيب. اختلفت الكراكيب و وجودها واحد.
كــراكيـب حــب:
قلب خايف يحب,
لا ده خايف ما يلاقيش اللي يحبوا ولا يمكن بيحب بس خايف يقول .
لا مش كدة هو عاوز يحب بس خايف من الظروف.
كــراكيــب مشااعر:
مبسوط وبيضحك ومش همه ((تلاقيه مرتاح مع انوا الحزن جواه سيول ))
او يمكن نفسه يفرح بس مش لاقي حاجة تفرحه.
لا هو فيه اللي يفرحه بس بقى خايف وبقى قبل كل ضحكة يقول ((يارب ضحكة خير)).
حنين وصادق في تعامله ((يااعم ده بيمثل)) بس ده حلّف ((وانته يعني شايفه مربي دقنه ومقطع السجادة)).
كــراكيب لبكــرة:
حابب يتفائل ويشوف الدنيا بوبها مفتحه.
او يمكن هو اصلا متشائم وديما شايفها ضلمه وسودة
لا ده هو نفسه يتفائل بس خايف ليخيب أملــه.
كــراكـيب ثقة :
مابيخونش حد وبيثق في الكل
او يمكن بيخون بس من غير مايبين .
لا هو مابيخونش بس خايف يثق وبعدين يندم.
كــراكيــب نــاس:
ناس حاوليه حاببهم ومش حاسيين
او يمكن عارفيين بس الاولويات
لا هو حاببهم وهما عارفيين بس مايستهلوش.
كــراكيــب موجودة من امبارح بتزيد النهاردة وهتزيد بكرة
ولا منها بتخلص ولامنها بتترتب
ولا يمكن تترتب لو حددنا فيها الاهم
لا هي مش ممكن تترتب هي لازم نخلص.
نفس الدوامة ((دوامــة الكــراكيــب)).