بحــبك بس,,

بحِبــك بس,,,,بَـحبَــك بس,,
كتير اوي قالوا لبعض بحبك وهو ولا في دماغوا اصلاً هي او غيرها المهم يتسلى .
وهي بالنسبة ليها يلا زيوا زي غيروا يعني هتفرق ايه.
أوقــات كتيــر الاقيه عاشق هواها سحرها وحلاها حروف من بين شفايفها بتقول كتيير وهوا عاشق منها الكلام العاقل او المجنون وان كان عليه يديها روحه ومايهموش غير سعادة تترسم في حيــاتهــا جميل اوي,, طيب وهي؟!
هــي بتحبــه اه واتكــرمــت عليــه عن أي حد تانــي وبقــوا مـع بعـض في حـاجة اسمهـا** Relationship** بس هي تعـريف الكـلمة دي ايه ؟
انا نفسي معرفش حتى نهايتها ايه.
وبعد ما اتكرمت عليه وبقوا مع بعض تحت مظلة **Relationship** المفروض كحـب يغنيهــا عن الجميــع ولا صاحب ولازميل,,كل واحد فينا محتاج للعلاقــات الاجتمــاعية فــي حيــاتوا بس,,لمــا يكــون الكلام عن شخــص من المفروض انوا هو مش أكتر من ** friend** أكثر من الكلام عن الشخص اللي بتحبوا يبقى اسمحيلي انتي يمكن تكوني بتحبي بس بتحبي تكوني البنت اللي كل الشباب بتجري وراها وعايزين ينولوا رضاها معندكيش مانع في ده طالما تحت مسمى الـ**friend** حتى لو في يوم في مشاعر جواكي اتحركت لحد منهم محدش يقدر يلومك أصل المظلات كتتتييير ويـاجمــاعة ده ** friend** مش أكتر ولا أقل ,حلو انوا فريند مش اكتر ولا اقل وشك اللي بيقلب ألوان لو وحدة اتكلمت عليه والغيرة اللي بتفضحها ملامحك عشان هو علق على بنت او عجبتوا,, كــ فريند المفروض مايفرقش معاكي وماتتمنيلوش الا كل خير لانو المفروض انوا في واحد عندوا استعداد يبيع الدنيا عشانك بس تقريبا في دنيا تانية عجباكي دنيا مفيش فيها حاجة واضحة دنيا حابة تكوني انتي وبس والكل مايشوفش غيرك تحيــاتي للحدود اللي بتحفظ كرامتك ونفســك وجمــالك وقلبـك وهي نفسها الحدود اللي انتي دستيها وسمحتي لغيرك انوا يعديها,,,
شوفي نفسك واحكمي هتلاقي انك ظالمة كتير معاكي اولهم نفسك,, مااسمهااش **فريند** لما يعلق تعليق عليكي مش لطيف وانتي بالنسبة ليكي عادي ده فريند طيب و.... ((اللي هو المفروض بيحبها وبتحبه)) لأ في فرق ده حبيبي بس ده فريند ,, لا والله طيب شكراً على التوضيح,, الناس دي أخلاقهم ومبادئهم من الانواع اللي الواحد يعجز عن وصفهم,,,
واشمعنا البنت يعني ؟! يعني هو الولد اللي وفي قوي؟؟
لأ وده اللي هينقلنا عشان نتكلم عن الولد اللي لسه مابقاش راجل حتى لو فيه شنب في وشوا,,
مش شطارة انك تحب وحدة واتنين وتلعب عليهم وعلى غيرهم
مش شطارة حتى لو همـا أخلاقهم تسمح بــ ده أخلاقــك كــراجل المفروض غير كدة مفيش حد هيرفع من عليك اللوم عشان انته الرجل أو بمعنى أصح **الولد** لما تلعب على بنت و توهمها بحبك وتبنــي قدمـهـا أحـلام تشوفك فيها الفارس المختار ,,
ولاترفــض حــب من أي حد ممكن يكون بجد بيحبها لمجرد انها بتحب واحد فقد أو ميعرفش معنى الرجولة,, ليه ماتحطش حدود لتعاملاتك مع البنات ليه متبقاش زميلتك في الشغل او في الدراسة وبس ليه ماتبقاش بنت الجيران وبس وتكون اللي بتحبك هي اللي يتقال فيها احلى كلاام ؟!
فيها ايه لمــا تحــب وحدة وتخلصلها عمرك كلوا ولا كدة هيضيع منك لقب ((اللي مقطع السمكة وديلها))
أسهــل كلمــة على لسانك بحبك واسرع حاجة تعملها اللعب على بنات الناس والعالم ,,,,مع انك من جواك اكيد في وحدة مخلياك هتتجن عشان نفسك تعترفلها بحبك أو اعترفت وهي رفضت بس هي معادلة محسوبة ونواتجها مش بتتغير
كمــا تديــن = تدان
بَحِبِــك بس,,,,بَـحبَــك بس,,التشكيل ماعدشي بيفرق كتير المهم تتقال وكل حرف فيها بيشكل معنى جوا القلب بحبك أيـاً كان اللي بيقولها لازم يبقى عارف انوا وراها كتب من الاخلاص والتفاني والعشق والحياة والصدق والامــان وحــاجــات كتير الحروف ماتعبرشي عنها,,,